European Endowment for Democracy Европскиот фонд за демократија (European Endowment for Democracy) е независна организација основана во 2013 година од Европската унија (ЕУ) и земјите-членки на ЕУ како автономен меѓународен фонд којшто одобрува грантови со цел зајакнување на демократијата во европското соседство (Источно партнерство – EaP – и Блискиот Исток и Северна Африка – MENA), Западен Балкан, Турција и пошироко. EED поддржува граѓански организации, продемократски движења, граѓански и политички активисти, како и независни медиумски платформи и новинари кои делуваат кон остварување на плуралистички, демократски политички систем.

Поддршката зависи од почитувањето на демократските вредности, почитувањето на човековите права и почитувањето на принципите на ненасилство.

Националниот фонд за демократија (The National Endowment for Democracy – NED) е независна, непрофитна фондација со седиште во Вашингтон, САД, посветена на развој и зајакнување на демократските институции ширум светот. Секоја година NED доделува повеќе од 2.000 грантови за поддршка на проекти на граѓанските организации во сферата на демократијата и човековите права, во повеќе од 100 држави. Од своето основање во 1983 година, Фондацијата израсна во еден од водечките поддржувачи на оние што се борат за демократија, истовремено еволуирајќи во повеќеслојна институција којашто е центар на активности, ресурси и интелектуална размена за активистите, практичарите и проучувачите на демократијата ширум светот.